top of page

რა ხდება როცა გაკავებენ აქციაზე

აქციაზე ძირითადად ადმინისტრაციულ სამართალდარღვევათა კოდექსის 166-ე (წვრილმანი ხულიგნობა) და 173-ე (პოლიციელის კანონიერი მოთხოვნისადმი დაუმორჩილებლობა) მუხლებით გვაკავებენ.

დაკავების მაქსიმალური ხანგრძლივობა არის 48 საათი. დროის ათვლა იწყება დაკავების მომენტიდან.

ადმინისტრაციული ჯარიმა არ გიშლის ხელს დასაქმებაში ან უცხო ქვეყანაში მოგზაურობაში.

სასამართლო პროცესი უნდა ჩატარდეს დაკავებიდან 2 თვის გნმავლობაში, სადაც თუ თქვენ დაგიმტკიცდათ ბრალეულობა, დაგეკისრებათ ჯარიმა დაახლოებით 2500-3000 ლარის ოდენობით. რამდენადაც ცნობილია, ბრალეულობის დამტკიცება თითქმის გარანტირებულია.

დაკავებისას

დაკავებისას იწყება თქვენი დაშინების და გატეხვის მცდელობები, თუმცა საშიში არაფერია!

  • ადვოკატის გარეშე ნუ ისაუბრებ! შეიძლება შენს წინააღმდეგ გამოიყენონ.

  • დაკავებისას თქვენს უფლებებს ძირითადად არ გაცნობენ.

  • გცემენ ავტომობილში ჩასმამდე და ჩასმის შემდეგ. შეწინააღმდეგებას აზრი არ აქვს, ასე უფრო გაამძაფრებ მდგომარეობას.

  • ცემის შემდეგ მოძალადე პოლიციელები ჩადიან ავტომობილიდან და ვითომ წესიერი და მზრუნველი პოლიციელები ამოდიან. იწყება გზა განყოფილებისაკენ.

  • შესაძლოა ეცადონ ტელეფონზე ბლოკი მოგახსნევინონ! მათ ამის უფლება არ აქვთ! ბლოკის მოხსნა ანაბეჭდით ან სახის ამოცნობით ჯობია გათიშული გქონდეს.

  • შენ გაქვს უფლება მოითხოვო ზარი ახლობელთან ან ადვოკატთან. ორგანიზაციაში წესით არ დაგარეკინებენ. დრო შეგიძლია შენ თვითონ აარჩიო. ეს შესაძლოა მოხდეს თავიდანვე ან როდესაც გეცოდინება რომელ იზოლატორში გადაგიყვანენ.

  • შენ მიერ არჩეულ ადამიანს, შენი მოთხოვნის შემდეგ, თვითნ დამკავებელი ურეკავს და აწვდის ინფორმაციას - სად ხარ, სად გადაყავხარ და ა.შ. შეგიძლია უთხრა დამკავებელს რა გადასცეს შენს ახლობელს.

  • თუ არ გყავს იურისტი, შეგიძლია გადასცე შენს ახლობელმს, რომ დარეკოს  სამართლებრივი დახმარების ცხელი ხაზის ნომერზე - +995 577 07 05 63 და ისინი დაიცავენ შენ უფლებებს უფასოდ.

 

განყოფილებაში

  • განოფილებაში შეიძლება რამდენიმე საათი მოგიწიოს გაჩერება.

  • თუ სიგარეტს ეწევი და დამკავებელ პოლიციელში გაგიმართლებს, შეიძლება განყოფილებაში ყოფნისასაც მოგაწევინონ. წესით მოწევის უფლება მხოლოდ წინასწარი დაკავების იზოლატორში გაქვს.

  • განყოფილებაში გაჩხრეკენ შენს ჩანთას, პირად ნივთებს და დეტალურად აღრიცხავენ. გახსოვდეს - პროცესს სრულად დაესწარი და ყურადღებით იყავი, არ მოგაკლონ ან პირიქით, არ დაამატონ რაიმე საგანი შენს ნივთებს.

  • წიწაკის სპრეის და ელექტროშოკის ტარება აქციაზე დამამძიმებელი ფაქტორია. სავარაუდოდ 200 ლარით მეტით დაგაჯარიმებენ.

  • შეავსებენ სხვადასხა დოკუმენტებს და შემოგთავაზებენ ხელის მოწერეას. იურისტები გვიწევენ რეკომენდაციას, რომ ხელი არაფერს მოაწეროთ! თქვენ გაქვთ ამის უფლება.

იზოლატორში

 

  • იზოლატორი შეიძლება იყოს თბილისში, ან შეიძლება რეგიონშიც წაგიყვანონ.

  • იზოლატორში შეყვანისას ისევ აკეთებენ თქენი ნივთების დათვალიერებას, აღრიცხვას და პოლიეთილენის პაკეტში დალუქვას. აქაც ყველაფერს დაესწარი და ყურადღებით იყავი, არ მოგაკლონ, ან პირიქით, არ დაუმატონ რამე შენს ნივთებს.

  • გიტოვებენ მხოლოდ ტანსაცმელს, თუმცა, არ გიტოვებენ თასმებს და ქამარს.

  • შედიხარ სამედიცინო დათვალიერებაზე. თუ თვითონ არ შეგიყვანენ, შეგიძლია თვითონ მოითხოვო. აჩვენე და აღარიცხინე ყველა დაზიანება რაც დაკავებისას მიიღე. უთხარი თუ რაიმე ქრონიკული დაავადება გაქვს და თუ რაიმე მედიკამენტი გესაჭიროება.

  • შემდეგ შეგასახლებენ იზოლატორის საკანში.

  • ტუალეტი იზოლირებულია, ლოგინი ზეწრის გარეშეა, ბალიში ლეიბში ინტეგრირებული. მაგიდა და სკამები დამაგრებული. *

  • წყალს ტუალეტში სვამ. შეგიძლია ბადრაგს სთხოვო მოგიტანონ ჭიქა, კბილის ჯაგრისი, საპონი, ტუალეტის ქაღალდი, ასანთი, წიგნები. *

  • გაქვს უფლება, მოითხოვო ექიმი, თუ ამის საჭიროება გექნება.

  • იზოლატორს აქვს ერთი დერეფანში გამავალი სარკმელი და ერთი გარეთ გამავალი ფანჯარა. *

  • საკანში არის კამერაც(ები) და კარში არსებული ჭრილიდანაც ხშირად გიყურებენ და გამოწმებენ.

  • ხმის მოსმენის უფლება წესით არ აქვთ, მაგრამ მაინც ყურადღება მიაქციეთ თქვენს საუბარს.

  • კვება სამჯერადია. ვეგეტარიანული ან ვეგანური კვება არ არის გათვალიწინებული. *

  • კარგი იქნება თუ შემოგიგზავნიან - მყარ საკვებს (ცომეულობა), ხილს, ტკბილეულობას (შოკოლადი), ასანთის რამდენიმე კოლოფს, სიგარეტს და ერთ ხელ გამოსაცვლელ ტანსაცმელს.

  • იზოლატორში მოგაკითხავენ გენერალური პროკურატურიდან (თუ დაზიანებები გაქვს ან განაცხადებ პოლიციის მიერ უფლებამოსილების გადამეტებაზე) და სახალხო დამცველის აპარატიდან დარღვევების აღსარიცხად.

  • აგრეთვე, თუ გაიგეს თქვენი დაკავების შესახებ, მოვლენ და შემოგთავაზებენ იურიდიულ დახმარებას რომელიმე ორგანიზაციიდან, რომელიც უფასო იურიდიული დახმარებას უწევს პროტესტისას დაკავებულებს.

  • იზოლატორიდან გამოსვლამდე ისევ გადიხარ სამედიცინო დაკვირვებას და გაწვდიან შენს ნივთებს დალუქულ მდგომარეობაში.

  • აუცილებლად შეამოწმე პაკეტის და ლუქის მთლიანობა!

  • ნივთების ჩაბარების დოკუმენტს მოაწერე ხელი მხოლოდ პირადი ნივთების ჩაბარების და გადამოწმების შემდეგ!

მადლობა, რომ სამშობლოსთვის იბრძვი! ერთობით გავიმარჯვებთ! არ ხარ მარტო!

* იზოლატორის აღწერა ეყრდნობა ზაჰესში არსებულ იზოლატორს. სხვა იზოლატორებში შესაძლოა იყოს განსხვავებული პირობები.

bottom of page